இருளுக்குப் பார்வையைப்
பழகக் கொடுத்த பிறகு
உன் அன்பின் துளிச் சிதறல் கூடக்
கண்கள் கூசுகிறது..

இரண்டாவது முறையாக

மூன்றாவது முறையாக

நாங்காவது முறையாக என்று

இருளுக்குப் பழகுதல் எளிதானதே..

இருப்பினும்,

இடையிடையேயான ஒளிச்சுவடுகள்

தேவையில்லை எனக்கு...

தொலைவாகியே போய்விடு...

மாண்புமிகு காதல் கடிதங்கள்

 
கப்பல் செய்தோம்
கசக்கி எறிந்தோம்

பின்னால் திருப்பிப்

பால் கணக்கு எழுதினோம்

பொட்டலம் மடித்துப்

பொரிகடலை தின்றோம்

எட்டாக மடித்து

எங்கோ எறிந்ததை

அள்ளியெடுத்து வந்து

பேரீச்சம் பழக்காரரிடம்

எடைக்குப் போட்டோம்

அதே பிரதியொன்றை 

ஏற்கெனவே எடைக்குப் போட்டிருந்த

எதிர்வீட்டுப் பெண்களிடம்

உணர்ச்சியற்ற பார்வைகளைப்

பரிமாறிக் கடந்தோம்

வேறென்ன செய்யச் சொல்கிறீர்கள்

உங்களது

மாண்புமிகு காதல் கடிதங்களை...

குங்குமம் இதழிலிருந்து...

 

 

யாழ் சிற்றிதழில்...

இடைநிறுத்திய கிறுக்கலைத்
தொடரும்படி வசீகரித்த
இவ்வூண் துளைத்து என்பு தழுவும்
பனிமுகில் வைகறை..

கனவுலகிற்கிணையாகக்
காட்சிப்பட்டுக் கிடக்கும்
உறைகுளிரைக் கரைக்கும்
தழலை இறைத்தவாறு
அணைத்த நிலையில் மட்டும்
கடந்து விடாதீர்கள் காதலர்களே..
நான் எனக்கான கங்கு தேடிக்
கண்டடையும் வரையிலும்...

இருள் குளிர்வது
தலையணைகளை நனைத்தும் தீராத
கண்ணீரின் மிச்சமென்கிறேன் நான்..
ஏதேதோ அறிவியல் காரணங்களை
அடுக்குகிறாய் நீ..

பட்டாம்பூச்சிகள் பெரும்பாலும்

வயிற்றுக்குள் பிறக்கின்றன

சிறகசைத்துப் படபடக்கும்போது

குறுகுறுப்பை உணரலாம்

மெல்ல மேலேறி

வாய்மொழியில் வெளிப்பட்டுவிடின்

பூக்களையோ கொலைக்கரங்களையோ

சென்றடையலாம்

இவற்றுள் பெரும்பாகம்

பூக்களால் ஏற்றுக்கொள்ளப்படாமல்

தனித்திருந்தே சாகின்றன

அவை கொலைக்கரங்களில்

அகப்பட்டு விடுவதையும் விரும்புவதில்லை..

Dear Jesus,

You made me strong...

Strong enough,

To be alone;

To be courageous;

To let it go;

To accept the change;

To survive after disasters;

To be love and care me;

To laugh at the hard times;

To be cool at the desert;

To be an answer for a few...

You forgave me,

When I scold you;
When I angry on you;
After all, I'm your child...

You teach me,
To trust you;
To follow you;
To depending only on you;
To care about everyone;
To smile at everyone and everything;
To forgive anyone...

And I felt your progress;
I realize you by my side;
I can feel the force of you to pulling into you...

I think,
You are trying
To turn my heart like your own
As like you raised us 
With your own image...

I'm believing in you that
You will surely make me shine...

Because
After all, I'm your favorite child
The favorite child as like everyone 
I'm happy about that,
Me too deserve you;
Me too deserved to be your's...

என்னைக் கூண்டிலடைக்கும் வலிமை 
உங்களுக்கு இருக்கலாம்.
பறந்துவிட வேண்டுமென்று 
நான் மனது வைத்தால்,
என்னோடு சேர்த்து 
உங்கள் கூண்டையும் இழந்து விடுவீர்கள்..

you may have the strength to catch me into a cage. 
but, 
If I wish to fly, 
Definitely you will lose me; 
And your cage too...

பிரபஞ்சத்தின் ஆழிப் பேரலைகள்

சூழப்பட்ட கடலொன்று
கரையில் நிற்கும் பெண்ணொருத்தியின்
கண்களாகப் பரிணமிக்கிறது


அதன் வெறித்த பார்வை
படகுடன் உள்ளே சென்ற
ஆதாமைப் பற்றியது தானென்று
சொல்ல வேண்டியிருக்காது தானே...

பகல்களில் தேய்ந்து கிடக்கும் 
ஆதாமின் இருண்ட ஆப்பிள் கனவுகள்
மாலை ஆக ஆக
நீண்டு வாளர்ந்து
படர்ந்து சூழ்ந்து
ஒவ்வொரு நாளின் பிற்பகுதியிலும்
இரவாகி விடுகிறது...
விடிந்த பின்பும்
நிழல்களின் உடலில்
அப்பிக்கொள்கிறது அதே முந்தைய இரவு...

இரண்டு உதடுகளையும் 
ஒருங்கே மடித்து உள்ளிழுத்தவாறே 
புருவங்களுயர்த்தி நெரித்து 
'என்ன'வென்பது போலத் 
தலையை முன்தள்ளிக் 
கூர்ந்து நோக்கி
நீ கேட்பதில் 
உன்னிடம் அடிமைப்பட்டு விடுகிறது 
சர்வமுமெனக்கு...

அழவில்லை
தனிமையைத் தின்று கொண்டிருக்கிறேன்
சற்றே காரமாயிருக்கிறது
அவ்வளவு தான்
அவ்வளவே தான்...

சொல்லவொன்னா மாலையொன்றின் கன்னிகள்

யாருடைய காதுகளாலும்
பகிர்ந்து கொள்ளாத ஓசைகள்

யாருடைய சுவாசத்திலும் சிக்கிவிடாத
மரமல்லி-வாகைப் பூக்களின் சுகந்தம்

எல்லாக் கண்களும்
கவனிக்கத் தவறிய
மாலையின் நிறப்பொழிவு

காதுகளுக்கு வெகு அருகில் இளையராஜா
இருளின் குளிர்மை

கடிகாரத்தைக் கண்டுகொள்ளாத இவ்விருப்பு
காரணமற்ற காத்திருப்பு

இவை பிடித்திருக்கிறது
இத்தனிமை பிடித்திருக்கிறது

இன்னும் இன்னும்
இன்னின்னும் பிடித்திருக்கிறது

யாருமற்ற இடத்தில் தான் 

பிரிவுப்பெருந்துயரின் ஜீவனிருக்கிறது

இடதுசாரி...

இடதுபக்கம் மட்டும் 

இதமாகக் கொஞ்சம் 

இழுத்துச் சிரிக்கும் 

பழக்கமுனக்கு... 

எந்தப்பக்கம் இருந்தும் 
சரித்துச் சரித்துப் பார்த்து 

உன்னையே வெறிக்கும் 

வழக்கமெனக்கு... 

மேய்ப்பருக்குப் பிரியமான ஆட்டுக்குட்டி

உங்கள் பிறப்புக் காலத்தை 

அறிவித்த நட்சத்திரத்தை 
அவள் அறிந்தாளில்லை
உங்களுக்கேயான பண்டிகைகளெதுவும் 
உரிய காலங்களில் ஆசரித்தவளில்லை

உங்கள் மறுதலிப்பை 

அவள் ஏற்றுக்கொள்வதாய் இல்லை 

அவள் எந்தத் துயரத்தின் கைகளிலும் 

தன்னை ஒப்புக்கொடுக்கச் 

சித்தமாய் இருக்கிறாள் 

நீங்கள் மட்டும் அவளது கைகளில் 

முத்தம் செய்துவிடுங்கள் 

ஒருமுறையேனும் 

ஒரே ஒருமுறையேனும்

குறைந்தபட்சம் உங்கள் அங்கியையேனும் 

தொட்டு விடுவதற்காய்த் 

தவித்துக்கொண்டிருக்கும் அவளை 

இன்னும் நீங்கள் உணரவேயில்லையோ

நீங்கள் உண்ணும்போது 

தவறி விழும் 

அப்பத்தின் துணிக்கைக்காகவும் 

நீங்கள் அருந்தும்போது சிந்தும் 

ஒருதுளி திராட்சரசத்திற்காகவும் 

அவள் காத்துக் கிடக்கிறாள்

நீங்கள் தேட வேண்டுமென்பதற்காகவே 

மந்தையிலிருந்து பிரிந்து வந்துவிட்ட 

ஒற்றை ஆட்டுக்குட்டி 

அது அவள் தான்
அதுவும் அவளே தான்

உங்களுக்குப் பிரியமானவளாக 
இருக்க விரும்பும் அவளை 
அவள் விருப்பத்தின்படியே 
எப்படியாகிலும்
கண்டுபிடித்து விடுவீர்கள் தானே...???

November-2016

இரு உடல்கள் 
வெட்டுண்டு கிடக்கின்றன..
அலறிக்கொண்டோடி வந்து
அருகிலமர்ந்து வெறித்த
பறவையின் முகத்தில்
உடன்போகிய மகளிடம்
தூது செல்லப்
பராய்க்கடன் உரைத்த
காகத்தின் சாயல்..

என் தோட்டம் முழுவதும்
தொட்டால் சுருங்கிகள்..
இருந்தும் ஏன்
தூறலுக்கான ஏக்கங்கள்..

விடுதிச் சிறையின்
விரிசல் சுவரில்
உறைந்து கிடக்கும்
தனிமை வெளியை
இட்டு நிரப்பப்
போதும் எனக்கு-
ஒரே ஒரு
Talking Tom..

நிழலைப் போலவே
விடிந்த பின்பு
தேய்கின்ற நினைவுகள்
மாலை ஆக ஆக
நீண்டு வளர்ந்து
படர்ந்து சூழ்ந்து
ஒவ்வொரு நாளின்
பிற்பகுதியிலும்
இரவாகி விடுகிறது...