மாண்புமிகு காதல் கடிதங்கள்

 
கப்பல் செய்தோம்
கசக்கி எறிந்தோம்

பின்னால் திருப்பிப்

பால் கணக்கு எழுதினோம்

பொட்டலம் மடித்துப்

பொரிகடலை தின்றோம்

எட்டாக மடித்து

எங்கோ எறிந்ததை

அள்ளியெடுத்து வந்து

பேரீச்சம் பழக்காரரிடம்

எடைக்குப் போட்டோம்

அதே பிரதியொன்றை 

ஏற்கெனவே எடைக்குப் போட்டிருந்த

எதிர்வீட்டுப் பெண்களிடம்

உணர்ச்சியற்ற பார்வைகளைப்

பரிமாறிக் கடந்தோம்

வேறென்ன செய்யச் சொல்கிறீர்கள்

உங்களது

மாண்புமிகு காதல் கடிதங்களை...

குங்குமம் இதழிலிருந்து...

 

 

யாழ் சிற்றிதழில்...

இடைநிறுத்திய கிறுக்கலைத்
தொடரும்படி வசீகரித்த
இவ்வூண் துளைத்து என்பு தழுவும்
பனிமுகில் வைகறை..

கனவுலகிற்கிணையாகக்
காட்சிப்பட்டுக் கிடக்கும்
உறைகுளிரைக் கரைக்கும்
தழலை இறைத்தவாறு
அணைத்த நிலையில் மட்டும்
கடந்து விடாதீர்கள் காதலர்களே..
நான் எனக்கான கங்கு தேடிக்
கண்டடையும் வரையிலும்...